Монголын нийслэл Улаанбаатарт лхагва гарагт нэгэн зэрэг хоёр ч эсэргүүцлийн жагсаал боллоо хэмээн мэдээллийн ИА REGNUM агентлаг мэдээллээ. Нийслэлийн төв Сүхбаатарын талбайд 10 мянга орчим багш цугларч цалин хөлөсөө нэмэгдүүлж, нийгмийн нөхцөлөө сайжруулахыг шаардсан байна.

Багш нарын нийгэм ахуй хангамжийг сайжруулах зорилгоор байгуулагдсан түр хороо энэ жагсаалыг зохион байгуулж Засгийн газарт шаардлага хүргүүлэн есдүгээр сарын 15-ны дотор хариугаа авахыг шаардаж байна.
Засгийн газар наймдугаар сарын 24-ний дотор тодорхой хариу өгөхгүй бол багш нар есдүгээр сарын 1-нд ажил хаяна гэж энэ түр хороо наймдугаар сарын 17-нд хэвлэлийн бага хурал хийхдээ мэдэгдэж байсан юм. Багш нар Монгол Улсын Ерөнхий сайд Ж.Эрдэнэбатад хандан  багш нарын цалингийн доод хэмжээг 1,6 сая  төгрөг болгох, 2020 гэхэд 3500 долларт хүргэхийг шаардаж байгаа юм. 

 Гэвч Засгийн газар тэр заасан хугацаанд нь хариу өгөөгүй. Харин багш нар эцэг эх, сурагчдыг чирэгдүүлэхгүйн тулд есдүгээр сарын 1-нд ажил хаяхгүй гээд засгийн газар тодорхой хариу өгөхгүй хэвээр байвал есдүгээр сарын 15-наас тодорхойгүй хугацаагаар ажил хаяна гэж мэдэгдлээ.

Мөн энэ талбайд яг энэ жагсаалтай зэрэгцээд Улаанбаатар хотын даргын албан байрны гадаа хотын 1500 гаруй иргэн нийслэлийн Засаг дарга Сундуйн Батболдыг огцрохыг шаардан жагслаа. Иргэд Баянзүрх дүүргийг хоёр хуваах, нийслэлийн авто зам дээр зүүн тийш эргэхийг хориглосон шийдвэрийг эсэргүүцуж байгаагаа илэрхийлж байна.
Наймдугаар сарын 15-ны өдрөөс эхлэн нийслэлийн төв зам дээр зүүн гар тийш эргэхийг хориглосноос өдөр хотын замууд дээр түгжрэл үүсч иргэд бухимдсаар байгаа юм. Бүх шатны сургууль эхлэх болж хөдөөгийн иргэд хүүхдээ сургуульдп оруулахаар нийслэлд ихээр ирчихээд байгаа энэ үед төв зам дээр зүүн гар тийш эргэхийг хориглосон энэ шийдвэр нь улам их ачаалал үүсгэсэн буруу шийдвэр гэж иргэд үзэж байгаагаа илэрхийлсэн юм.
Жагсаал зохион байгуулагчид өнөөдрийн энэ жагсаал бол тайван жагсаал, одоогоор бидний энэ эсэргүүцэлд 500-700 мянган иргэн нэгдээд байгаа гэж байна.