Өнөөдөр Дэд бүтцийн хяналтын хэлтсийн Эрчим хүчний /газрын тос, хий/ хяналт, автотээврийн хяналтын чиглэлээр нийтийн тээврийн үйлчилгээ эрхэлдэг "Эрдэм транс" ХХК, "Блю бус" ХХК-ийн хийн (CNG) түлшээр ажилладаг хөдөлгүүртэй автобусны жолооч нарт “Хийн (CNG) түлшээр ажилладаг хөдөлгүүр бүхий их багтаамжийн автобусны хийн баллонт тоног төхөөрөмжийн ашиглалтын аюулгүй ажиллагааг хангах тухай” сэдэвт сургалт зохион байгууллаа. Сургалтын үеэр хийн баллонт тоног төхөөрөмжийн ашиглалт аюулгүй ажиллагааг хангах, “Төрийн хяналт шалгалтын тухай”, “Газрын тосны бүтээгдэхүүний тухай”, “Зөрчлийн тухай хууль”, “Автотээврийн тухай хууль”, “Хийн хангамж” БНбД42-01-04, “Хийн аж ахуйн аюулгүй ажиллагааны дүрэм”, “Хийн аж ахуйн техник ашиглалтын дүрэм”, “Даралтат савыг төхөөрөмжлөх, аюулгүй ашиглах дүрэм”, зэрэг хууль дүрэм журмын хэрэгжилтийг хангуулах сурталчлан таниулах мэдээлэл хийгдлээ. Мөн сургалтанд хамрагдагсдад мэргэжил арга зүйн зөвлөгөө өгч, хөдөлмөр хамгаалал, аюулгүй ажиллагааны байдлыг хангуулан ажиллах талаар мэдээлэл өглөө. Энэхүү сургалт нь нийтийн тээврийн хэрэгслийн жолооч нарыг чадавхижуулах, авто замын хөдөлгөөнд аюулгүй байдлыг хангаж оролцох, иргэдэд зөв боловсон үйлчилгээг хүргэх ажилд нь дэмжлэг үзүүлсэн үр дүнтэй ажил боллоо.