KFC сүлжээний Зайсан салбараас хоол авч идсэн хүмүүсийн 45-д нь хордлогын шинж тэмдэг илэрээд байна. Тэдний 30 нь 0-14 насны хүүхдүүд байгаа бол 20 гаруй нь Халдварт өвчин судлалын үндэсний төвд хэвтэн эмчлүүлж байгаа юм. Хэвтэн эмчлүүлж байгаа иргэдийн биеийн байдал эхэндээ гүйлгэх, толгой эргэх, халуурах шинж тэмдэг илэрсэн байдалтай тус эмнэлэгт ханджээ. Тэдний биеийн байдал нь тогтворжиж байгаа гэсэн мэдээллийн холбогдох албаны хүн өглөө.
Харин албан ёсоор шинжилгээний хариу гараагүй байгаа ч урьдчилсан байдлаар нянгийн гаралтай хоолны хордлого байж болзошгүй гэж үзэж байгаа юм байна. Хэрвээ энэ онош мөн болох нь тогтоогдвол нууц үеийн хугацаа жаахан урттай болохоор тус салбараар үйлчлүүлсэн иргэд цаашид эмнэлэгт хандах нь нэмэгдэж магадгүй гэв.
