Өнөөдрийн байдлаар нийслэлийн Газар зохион байгуулалтын алба “Явган хүний зам” аяны хүрээнд нийт 51 байршилд төмөр хашаа, хайс, контейнер, өргөтгөл зэргийг буулгаж, зорчих хэсгийн зам талбайг чөлөөлөөд байна.

Нийслэлийн Засаг дарга С.Амарсайханы баталсан А/322 дугаар захирамжийн дагуу иргэдийн эрүүл, аюулгүй орчинд амьдрах эрхийг ханган газар ашиглалтыг сайжруулах, явган хүний зам талбайн хүрэлцээ хангамжийг нэмэгдүүлэх, авто замын түгжрэлийг бууруулах болон хот тохижилтын ажлууд хийгээд байгаа аж.