Зайсанд байрлалтай “Бургер Кинг”-ийн салбараар үйлчлүүлсэн иргэд хордлогод орж ХӨСҮТ-д хэвтэн эмчлүүлж байгаа аж. Халдварт өвчин судлалын үндэсний төвөөс энэ талаарх мэдээллийг НМХГ-т ирүүлжээ. Энэ талаар ХӨСҮТ-өөс тодруулахад “Тус хоолны газраар үйлчлүүлж хордлого авсан гэх хүмүүс ирсэн. Гэхдээ энэ талаар одоохондоо мэдээлэл өгөх боломжгүй. Нарийн шинжилгээ хийж онош тодорхой болсны дараагаар мэдээлэл өгнө” гэв. Харин НМХГ-аас ““Бургер Кинг”-ээр үйлчлүүлсэн гурван иргэн хордлого авсан гэх дуудлага, мэдээлэл ирсэн. Энэ дагуу улсын байцаагч нар ажиллахаар явсан” гэжээ.