Билгийн

Доллар (USD)

Улаанбаатар

ХОТЫН ТӨВӨӨС 250 ОРЧИМ ЧИНГЭЛГИЙГ ХОЛДУУЛАХ ТУХАЙ ЗАХИРАМЖ ГАРГАЖЭЭ

 

 

Баянгол дүүргийн Засаг дарга С.Одонтуяа энэ сарын 1-нээс эхлэн дүүргийн нутаг дэвсгэрт зориулалтын бусаар контейнер ашиглахыг хориглосон захирамж гаргаж холбогдох байгууллагууд чиглэл өгчээ. Нийслэлийн төвийн дүүрэгт ачаа тээш тээвэрлэх зориулалт бүхий хэрэгслийг өөр зорилгоор ашиглаж олноор байршуулах нь хотын өнгө үзэмжид нөлөөлөөд зогсохгүй өөр олон сөрөг үр дагавартай гэж үзжээ. Баянгол дүүргийн Засаг дарга С.Одонтуяа өнөөдөр хэвлэлийн бага хурал хийж энэхүү захирамжийнхаа ач холбогдлыг танилцууллаа.

Тэрээр “Манай дүүргийн хэмжээнд аж ахуйн нэгжүүдийн хашаа, эзэмшил газарт нийтдээ 250 орчим чингэлэг байрлаж байна. Чингэлэг бол хотын төвд байрлуулах зориулалттай эд биш. Хотын төвд байрлуулсан чингэлэг нь гэмт хэрэг гарах, хүүхдүүд дээр нь гарч унаж бэртэх, зөвшөөрөлгүй бие засах газар, хогийн цэг болох гэх мэт сөрөг үр дагавар үүсгэж байна. Эзэмшил газар дээрээ чингэлэг байршуулж байгаа аж ахуйн нэгжүүдийг чингэлгээ зөөж өөр газар байрлуулахыг уриалж байна. Өнгөрсөн онд мөн захирамж гаргаж иргэдийн 400 гаруй чингэлгийг зөөлгөж, газар чөлөөлүүлсэн. Харин энэ удаад аж ахуйн нэгжүүдэд хандан захирамж гаргасан юм. Гэхдээ барилгын үйл ажиллагаа явуулж байгаа болон чингэлэгт худалдаа эрхэлж байгаа иргэд, аж ахуйн нэгжүүдийг үүнд хамруулахгүй” гэлээ.

0 Сэтгэгдэл
Хамгийн их уншсан