Улсын Ерөнхий прокурорын 2019 оны 5 дугаар сарын 10-ны өдрийн 05 дугаартай албан даалгаварын дагуу Баянгол дүүргийн прокурорын газраас "хугацаа дууссан" үндэслэлээр хэрэгсэхгүй болгож шийдвэрлэсэн зөрчлийн хэрэг бүртгэлтийн хэргийн хууль зүйн үндэслэлийг энэ оны эхний хагас жилийн байдлаар шалгасан байна.
Шалгалтаар зөрчлийн хэрэг бүртгэх ажиллагаа явуулах эрх бүхий байгууллага, албан тушаалтнууд нь холбогдох тогтоол, шийдвэрээ хуулийн шаардлагын дагуу бичдэггүй, шийдвэрээ оролцогч нарт биечлэн мэдэгдэж танилцуулдаггүй зэрэг хэд хэдэн зөрчил илэрчээ.
Баянгол дүүргийн прокурорын газраас шалгалтаар илэрсэн зөрчлүүдийг дахин давтан гаргахгүй байхад анхаарч ажиллах талаар зөрчлийн хэрэг бүртгэх ажиллагаанд хяналт тавих прокурор, эрх бүхий албан тушаалтнуудад үүрэг өгч, сургалт зохион байгуулсан байна.
