Нарантуул, Дүнжингарав худалдааны төв, Үндэсний цэцэрлэгт хүрээлэн орчмын эрх бүхий байгууллагын зөвшөөрөлгүй байрлуулсан, гэрээ төлбөрийн зөрчилтэй гадна сурталчилгааны тулгуурт байгууламжуудыг албадан буулгах ажлыг өнгөрсөн шөнө автомашины хөдөлгөөн, явган зорчигч буурсан үеэр хийж гүйцэтгэлээ.

Улаанбаатар хотын Захирагчийн ажлын албанаас 2018 оноос хойш зөвшөөрөлгүй, татвар хураамжаа олон жил төлөөгүй, бүртгэлгүй хаяг, хаягын байгууламжуудыг буулгах ажлыг зохион байгуулж одоогоор 1300 орчим жижиг болон том оврын самбарыг буулгаад байна.