Төрийн албаны зөвлөлийн 2019 оны 10 дугаар сарын 09-ний өдрийн 35-р хуралдаанаар БОАЖЯ-ны харьяа Улсын тусгай Хамгаалалтын захиргааны 327 байгаль хамгаалагчийн албан тушаалын тодорхойлолтыг батлах зөвшөөрлийг олгох шийдвэрийг гаргалаа.
Монгол Улсын хэмжээнд 30 тусгай хамгаалалтай газарт, 364 байгаль хамгаалагч ажиллах ёстойгоос одоогийн байдлаар 327 байгаль хамгаалагч ажиллаж байгаа гэнэ. Үүнээс 117 улсын байцаагчийн эрхтэй ажээ.
Төрийн албаны тухай хуулийн 23 дугаар зүйлийн 23.4 дэх хэсэг, Төрийн албаны зөвлөлийн 2019 оны 03 дугаар тогтоолоор баталсан “Албан тушаалын тодорхойлолт боловсруулах нийтлэг журам”, Монгол Улсын Засгийн газрын “Төрийн захиргааны албан тушаалын ангилал, зэрэглэл түүнд хамаарах албан тушаалын жагсаалтыг батлах тухай” 2019 оны 275 дугаар тушаал батлагдсантай холбогдуулан Төрийн албаны зөвлөл хуралдаанаараа төрийн захиргааны албан тушаалын тодорхойлолтыг батлах зөвшөөрлийг олгох үйл ажиллагаа үргэлжилж байна.
