Танд хүүхдээ өглөө, өдөр хооллохдоо хялбархан хийж өгөх зуушийг санал болгож байна. Хүүхэд тань дуртай идэх болно.

Орц: /2 порц/ 
бяслаг (хагас хатуу) 200 гр
өндөг 3 ш  
сармис 2 хумс  
хавчны мах 3 ш /бэлэн савласан/  
самар 50 гр  

1.Бяслагаа үрүүлээр үрнэ.  Чанасан өндөгний шар цагааныг ялгана. Цагааныг нь бяслаг дээрээ үрнэ.  Дээрээс нь сармисаа нухаж нэмнэ.  2-3 хоолны халбага майонез нэмээд сайтар хутгана. Бөөрөнхийлж болохоор өтгөн болох ёстой. 
2.Өндөгний шар болон хавчны махаа чимэглэлд ашиглах тул тусад нь жижиг үрүүлээр үрнэ. Үүнийгээ жижиг бөөрөнхий болгон хэвлэнэ. Бөөрөнхий болгоны голд самар хийнэ. Самарны оронд олив жимс хийж болно. 
3.Хоёр хэсэг бөөрөнхийлөн бэлтгэсэн зуушны талыг нь үрсэн өндөгний шаранд өнхрүүлнэ.  Нөгөө талыг нь хавчны маханд өнхрүүлнэ. 
4.Салатны навч дэвссэн тавган дээр бэлтгэсэн зуушаа өрж тавина. Амттай, үзэмжтэй, өег “Хэрэмхэн” зууш маань бэлэн боллоо.