Дорнод аймгийн Матад сумын нутагт нефть олборлож буй “Петрочайна Дачин Тамсаг” компанийн экспортын тос ачих “ТА-1” хэсэгт осол гарлаа. Өчигдөр орой 20 цагын үед  зэрэгцэж зогссон машинуудын нэг нь гэнэт дэлбэрчээ. Энэ дэлбэрлэтэд 10 машин өртсөн байна. Эдгээр машин бүгд газрын тос ачсан байсан бололтой. Онцгой байдлын гал сөнөөгчид шөнийн 02 цагын үед галыг бүрэн унтраасан аж.  Ослын үеэр хоёр хятад  мэргэжилтэн  нас барав. Мөн нэг хятад жолооч 70 хувийн түлэгдэлтэй тул нутагт нь эмчилхээр аваад явсан байна. Үүнээс гадна сүүлд нь бүх ажилчдаа бүртгээд үзэхэд хоёр хятад иргэн алга байжээ. Тэднийг осолд өртсөн эсэх нь одоогоор тодорхойгүй байна. Ослын шалтгааныг  хууль хяналтын байгууллагууд шалгаж буй юм.