Өдөр өдрөөр бие нь муудаж цаг ямагт өвчиндөө шаналж буй Э.Эрдэнэбулган одоо 23 настай. 15 настайгаасаа багтраагаар өвчилсөн тэрээр 2005 оноос гуурсан хоолой өргөсгөдөг дексаметазон тариа хийлгэж эхэлжээ. Гэтэл энэ тариа гаж нөлөө ихтэй гормон агуулсан болохыг мэдээгүйгээс багтраа нь бөөрний үрэвсэл, элэгний өөрчлөлт, цус өтгөрөх өвчинтэй хавсарч Монголд эмчлэх боломжгүй болсон гэнэ. Тарианы гаж нөлөөнөөс охины арьсан дээр цэврүүт тууралт гарч, биеийн жин нь огцом нэмэгдэн 45 кг жинтэй байсан тэрээр 105 кг болжээ. Түүний арьс махны завсар гормон хуримтлагдаж хэвлий, гуя, өгзөг, гарны арьс нь ялзарчээ. Тэрээр тариаг анхандаа 14 хоногт нэг удаа хийлгэдэг байсан бол одоо өдөрт дөрвөөс таван удаа тариулдаг болж. Хэрэв тариаг зогсоовол амь насанд нь шууд нөлөөлнө гэж эмч нар хэлж байна.
Охины өвчний түүхийг Солонгосын хэд хэдэн эмнэлэгт илгээхэд Чоннамын үндэсний их сургуулийн эмнэлэг 100 хувь эмчилж чадна гэсэн хариу ирүүлжээ. Гэсэн ч эмчилгээний төлбөрт 100 сая төгрөг шаардлагатай болсон нь гэр бүлийнхэнд нь хүндээр тусчээ. Тиймээс охины ээж М.Нармандах хэвлэлээр дамжуулан “Монголчууд та нар минь халуун гараа сунгаж,охинд минь туслаач” гэж хүссэн юм.
Охинд тусламжийн гараа сунгахыг хүсвэл Хаан банк: 5057326714, Төрийн банк: 13000064960, Голомт банк: 2800004350, Хас банк: 5000420951 данс руу хандиваа илгээгээрэй.