Нийслэлийн Засаг дарга Э.Бат-Үүл “Оюутан-Цэрэг хөтөлбөр хэрэгжүүлэх тухай” А/202 дугаар захирамж гаргалаа. Захирамжийн дагуу Монгол Улсын Батлан хамгаалахын сайд, Боловсрол, Шинжлэх ухааны сайдын хамтарсан А/49, А/56 дугаар тушаалыг хэрэгжүүлэх, нийслэлийн нутаг дэвсгэр дэх их, дээд сургуульд суралцаж буй 18-25 насны оюутан залуучуудыг сайн дурын үндсэн дээр элсүүлэх “Оюутан-Цэрэг” хөтөлбөрийг ирэх сарын 1-нээс эхлэн хэрэгжүүлэх ажлын хэсэг байгуулжээ.
Энэ захирамжаар “Оюутан-цэрэг” хөтөлбөрийг хэрэгжүүлэх үйл ажиллагааны төлөвлөгөөг гаргаж, шаардлагатай зардлыг нийслэлийн Засаг даргын нөөц сангаас гаргахаар болсон байна. Төлөвлөгөөний дагуу “Оюутан-цэрэг” хөтөлбөрт зориулсан сургалт зохион байгуулах, хөтөлбөрт хамрагдах оюутнуудын судалгааг гаргаж, тус оюутнуудыг эрүүл мэндийн үзлэгт ирэх тавдугаар сард хамруулах юм.
Мөн зургаагаас наймдугаар сарын хооронд шаардлага хангасан оюутан залуусыг цэргийн тусгай бэлтгэл сургалтад хамруулах аж.