Авто тээврийн болон өөрөө явагч хэрэгслийн албан татвар, агаарын бохирдол, автозам ашигласны төлбөр хураах ажил нийслэлийн хэмжээнд өнгөрсөн гурав­дугаар сарын 20-ны өдрөөс хоёр үе шаттайгаар эхэлсэн. Тээврийн хэрэгслийн тат­вар, төлбөр хураах ажил тав­дугаар сарын 31-нийг хүртэл үргэлжлэх бөгөөд эрчимжүүлсэн хяналтын үзлэг шалгалт зургадугаар сарын 10-24-нийг хүртэл болно. Татвар, төлбөр хураах ажлыг хөнгөвчлөх зорилготой дүүрэг, хороодод ажиллаж буй нэг цэгийн үйлчилгээ үйлчилгээ нь амралтын өдрүүдэд ажиллаж байна. Дүүргийн татварын хэлтсүүд ажлын өдрүүдэд 08:00-12, 13:00-17 цагийн хооронд, Баянзүрх, Баян­гол, Сонгинохайрхан дүүр­гийн оношилгооны тө­вүүд ажлын өдрүүдэд 08:00-20:00 цаг, амралтын өд­рүү­дэд 09:00-19:00 цагийн хоо­ронд ажиллана.
Нийслэлд бүртгэлтэй тээврийн хэрэгс­лээс авах автозам ашигласны төлбөр нь тухайн тээврийн хэрэгслийн моторын баг­таамжаас шалтгаалан 20 000-70 000 төгрөг байна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.