Өвөрхангай аймгийн Хар­хорин сумын Эрдэнэзуу хийдийн “Хархорум” музей­­гээс соёлын үнэт өв болох долоон ширхэг бур­хан алдагджээ. Хөөмөл жа­вилтай, их бие болон суурь нь алтан шармал 22.8 килограмм жинтэй Дүйн­хор бурхан, 1.595 килограмм жинтэй, гууль цутга­мал алтан шаргал Жүгдэрнамжил бурхан, зэс хөөмөл алтан шармал 1.230 килограмм жинтэй Майдар бурхан байсан аж.
Уг хэргийн талаар “Хар­­хорум” музейн захи­рал н.Төмөрбаатараас тод­руулахад, “Өчигдөр /ур­жиг­­дар/  шөнө 01:30-03:30 минутын хооронд долоон ширхэг бурхан алдагдсан нь үнэн. Улаанбаатар хот, аймгийн цагдаагийн бай­гуул­лага, соёлын газраас хүмүүс ирээд шалгаж байна. Яг одоо албаныхан ирээд уулзаж байгаа болохоор тодорхой мэдээлэл өгөх боломжгүй байна” гэлээ. Алдагдсан бурхад нь 18 дугаар зууны үеийн хосгүй үнэт соёлын өвд тооцогддог эд юм байна.