НИТХ-ын Тэргүүлэгчид ширгэхдээ тулаад буй Улиастайн голын эхийг нийслэлийн тусгай хамгаалалтад авах тогтоолын төслийг дэмжлээ. Тус голыг эхэнд ургадаг байсан модыг тайрч, хог ихээр хаядаг зэрэг иргэдийн зүй зохисгүй үйлдлээс болж Улиастай гол хатаж ширгэх аюулд ороод байгаа билээ. Тиймээс уг голыг хамгаалах зорилгоор тогттоолын төсөл боловсруулсан бөгөөд НИТХ-ын Тэргүүлэгчид 100 хувийн саналаар дэмжлээ.Ингэснээр тус голын эх болсон 22 мянган га газрыг Орон нутгийн буюу нийслэлийн тусгай хамгаалалтад авах боллоо.