БНХАУ-ын тэргүүлэгч Си Зиньпиний урилгаар ОХУ-ын Ерөнхийлөгч В.Путин тус улсад айлчилж байгаа билээ. Дэлхий нийтийн анхаарлын төвд буй хоёр хөршийн уулзалт манай улсын хувьд сонирхохгүй өнгөрч боломгүй үйл явдал. Үүнтэй холбоотойгоор жиргээчид энэ уулзалтыг хөндөж, санал бодлоо илрэхийлсэн. Тухайлбал, “Орос, Хятадын удирдлагуудын уулзалтаар заавал Монголын тухай хөнддөг”, “100 жилийн өмнө маш ноцтой шийдвэр гаргаж гурван улсын гэрээ байгуулж байсныг монголчууд мартах ёсгүй”, “Хятадаас 10 тэрбумыг зээлнэ. Хятадын банк салбараа Монголд нээнэ, өөр банк орж ирэхгүй. Монгол банкууд унана. Дараа нь Хятад дураараа”, “Ерөнхий сайд Хятадад айлчлахдаа жил бүр 50 сая тонн нүүрс 20 жилийн хугацаатай экспортолно гэж зурсан. Хятадууд одоо зөвхөн нарийн цариг хүлээж байгаа”, “Хятадууд Ц.Нямдорж, С.Баярцогт нараар хоёр нарыг намнуулчихсан. Одоо бүх зүйл дууссан. Амиа бодоцгоо”, “Фортун, Алтанхуяг хоёрт одоо Хятадын амлаж байгаа 10 тэрбум аварлын од болсон. Гурван жилийн дараа бүгдээрээ дундадын иргэн болноо”, “Мөнгөний төлөө юу ч хийхээс буцахгүй нөхөд Монгол төрийг самрах нь дээ” гэх мэтчлэн үзэл бодлоо бичсэн байна. Эдгээрээс хамгийн анхаарал татсан нь “Урд хөрш ОХУ-аас 30 жилийн турш байгалийн хий авна. 400 тэрбум ам.доллар төлнө. Нүүрснээс татгалзана. Одоо 70 хувь нүүрс” гэж жиргэжээ.