“Энхийг сахиулагчдын олон улсын өдөр”-ийг манай улсын зэвсэгт хүчний бие бүрэлдэхүүн энэ сарын 29-ний өдөр тэмдэглэж өнгөрүүлнэ.

 Энхийг сахиулах ажиллагаанд Монгол Улс 2002 оноос оролцож эхэлсэн бөгөөд энэ хугацаанд давхардсан тоогоор 10 мянга гаруй цэргийн албан хаагч гурван тивийн Ирак, Афганистан, Сьерра Леон, Чад, Косово, Баруун Сахар, Конго, Судан зэрэг улсуудад үүргээ амжилттай биелүүлсэн байна. Одоогийн байдлаар НҮБ-ын энхийг дэмжих болон олон улсын 8 ажиллагаанд Зэвсэгт хүчний бие бүрэлдэхүүнээс гадна ХХЕГ, ЦЕГ, ТЕГ- ын харьяа байгууллагуудын цэргийн алба хаагчид хамтран үүрэг гүйцэтгэж байгаа юм.

Энэхүү өдрийг угтаж Чингэлтэй дүүргийн ЗДТГ-аас Зэвсэгт хүчний 017, 310, 337, 353 дугаар ангиудтай хамтран дүүргийнхээ ерөнхий боловсролын сургуулиудын ахлах ангийн сурагчдын дунд “Монгол цэрэг-Дэлхийн цэрэг” сэдэвт сургалт, сурталчилгааны ажлыг зохион байгуулж,оОлон улсын энхийг сахиулах үйл ажиллагаанд манай улсын зүгээс ямар үүрэг оролцоотой байгаа талаар мэдээлэл өгч үүргээ нэр төртэй, амжилттай гүйцэтгэж яваа энхийг сахиулагч, дайчдын гавьяаг өсвөр үеийнхэнд сурталчилж байгаа аж.