ЦЕГ-ын Зохион байгуулалттай гэмт хэрэгтэй  тэмцэх хэлтсээс төрийн өмчит Эрчим Хүчний Диспетчерийн үндэсний төв /ЭХДҮТ/ ХХК-ийн хэд  хэдэн  удирдах  албан  тушаалтанд  эрх   мэдэл,  албан  тушаалаа  урвуулан ашигласан  хэргээр  эрүүгийн  хэрэг  үүсгэн УМБГ-т шалгуулахаар  шилжүүлсэн байна.
ЭХДҮТ-ийн  гүйцэтгэх  захирал Х.Цогтбаатар,  дэд  захирал  Г.Балжинням,  Мэдээллийн  технологи,  холбооны албаны дарга Т.Мөнхбаяр, ахлах нягтлан  бодогч  Б.Баярцэнгэл  нарын  зургаан  хүнийг  сэжигтнээр тооцон шалгаж буй бөгөөд нэр бүхий гурван албан тушаалтынг ШШГЕГ-ын харьяа Цагдан хорих 461 дүгээр ангид  саатуулжээ.

Албан эх сурвалжийн мэдэгдснээр дээрх хүмүүст албан тушаал, эрх мэдлээ урвуулан  ашиглаж  байгууллагын  хөрөнгийг  завшсан, хуурамч бичиг баримт бүрдүүлсэн, мөнгө угаасан, төсвийн хөрөнгийг зориулалт бусаар зарцуулж, улсад 400 сая төгрөгийн хохирол учруулсан гэх үндэслэлээр эрүүгийн хэрэг үүсгэжээ.