Хуучин Украины нутаг Крымд амьдардаг лал иргэдийн хөвгүүдийн хөвч таслах ёслол крымын нийслэл Симферополь хотноо энэ өдрүүдэд болж Туркээс ирсэн “мэргэжилтэн” энэ үйлийг хийж байна. Энд 2-7 насны 100 гаруй хүүхэд эхний ээлжинд ирсний эцэг эхчүүд нь их л сэтгэл хангалуун байгаа гэнэ.  “Бүх зүйл ёсоороо сайхан болж өнгөрлөө. Хүү минь уйлсангүй. Жинхэнэ эр хүн, мусульман хүн боллоо. Баярлалаа” хэмээн Эвелина Хмельницкая гэдэг эмэгтэй ярьжээ.


Риза Ганиев гэгч бас “Хүү минь гурван настай. Турк ах дүү нартаа баярлалаа. Жил бүр ирж бидний багачуудад ингэж тусалж байгаасай гэж хүсэх байна” гэжээ.
“Одоо бид лазерын технологи ашигладаг болсон. Бид зөвхөн Крым төдийгүй Украин, Белорус, Орос, Монгол, Казахстан, Узбек, Афганистанд ажиллана” гэж туркийн мэргэжилтэн ярьсан байна.