Өнөөдөр 10.00 цагт зарлагдсан УИХ дахь Эдийн засгийн байнгын хорооны хуралдаанаар Эдийн засгийн хөгжлийн сайд Н.Батбаярыг огцруулах асуудлыг хэлэлцэх ёстой байсан. Гэтэл тус хуралдааныг хойшлуулж орой 17.00 цагт болгосон байна. Энэ цагт хэвлэлийнхэн эзгүй, гишүүдийн идэвх сул байна гэж эрх баригчид үзжээ. Учир нь уг хуралдааны үеэр Н.Батбаяр сайд эдийн засгийн хүндрэлтэй холбоотой олон ноцтой асуудлуудыг ярина. Үүнийг олон нийтэд ил болохгүйн тулд хэвлэлийнхнээс зугатаж байгаа нь энэ аж. Мөн МАН-ынхныг ч уг хуралд оруулахгүй байхаар ярилцаж байгаа талаар эх сурвалж мэдээллээ. Зарим гишүүдийн хэлж буйгаар Н.Батбаяр сайд эдийн засгийг доройтуулсан бүх баримт, сэлтээ энэ үеэр тодорхой болгох гэнэ.

Тиймээс хэвлэлийнхэн болон сөрөг хүчнээс зугатаж орой 17.00 цагт асуудлаа хэлэлцүүлэхээр болсон байна. Харин үүнийг шударга бус гэж үзэх хүмүүс олон байна.