“Монгол
Ардын намыг айлгах Засгийн газрын нууц төлөвлөгөө” ил боллоо гэсэн утга
бүхий мэдээлэл хэвлэл мэдээллийн хэрэгслээр гарч эхэлснийг ямар ч
үндэслэлгүй гүтгэлэг гэж Засгийн газраас мэдэгдлээ.
Сүүлийн үед хэвлэл мэдээллийн хэрэгслэлээр Ерөнхий сайдын оролцоотойгоор хийгдсэн “Монгол Ардын намыг айлгах Засгийн газрын нууц төлөвлөгөө” ил боллоо хэмээн МАН-ын бүлгийн зарим гишүүдийг хамруулсан төлөвлөгөө гэгчийг цацаж эхэлсэн. Уг төлөвлөгөөнд МАН-ын бүлгийн гишүүн тус бүрт авах арга хэмжээ гэх мэтээр тусгасан байсан юм. Харин уг төлөвлөгөөг ямар ч үндэслэлгүй зохиомол зүйл болохыг Засгийн газрын Хэвлэл мэдээлэл олон нийттэй харилцах хэлтсээс гаргасан мэдэгдэлд онцолсон байна.
Хэрэв бодит баримтгүйгээр ийм гүтгэлэг үргэлжилвэл хууль хяналтын байгууллагад хандах болно гэдгийг мөн хариуцлагатайгаар мэдэгджээ.
