Төрийн өмчийн хорооноос “МИАТ” ХК
–ийн Агаарын хөлгийн засвар үйлчилгээний газар инженер, техникийн
бүрэлдэхүүн “Боинг В767-300” агаарын хөлгөндөө хүнд хэлбэрийн техник
үйлчилгээний ажлыг хийж дууссан тухай мэдэгдлээ.
Инженер, техникийн бүрэлдэхүүн “Aero Sale” компаниас түрээсэлж буй “JU-1011” бүртгэлийн дугаартай “Боинг В767-300” агаарын хөлгөнд “С12” хүнд хэлбэрийн техник үйлчилгээний ажлыг 67 хоногийн хугацаанд хийж гүйцэтгэсэн байна.
“С12” хүнд хэлбэрийн техник үйлчилгээ нь агаарын хөлөг үйлдвэрээс гарснаас хойш 18 жилийн дараа хийгддэг, үзлэг шалгалтын ажлын цаг хүрээгээр “Боинг В767-300” агаарын хөлгийн техник үйлчилгээний хөтөлбөрийн хамгийн том ажил гэнэ. Тодруулбал “Боинг В767-300” агаарын хөлгөөр нэмэгдүүлсний дараа хийж буй хоёр дахь удаагийн том хэмжээний ажил юм байна. Дээрх ажлыг өөрсдийн хүчээр хийснээр 1 сая 180 мянган ам.долларын үнийн дүнтэй техник үйлчилгээний нөөцийн төлбөрийг байгууллагын орлого болгон компанийн дансанд эргүүлэн татахаар болжээ.
