“Олон улсын дор цөм өөр өөрийн далбаа буй. Бидний Монгол болбоос эзэрхэг эрх хэмжээ бүхийн илэрхийлбэл зохимой” хэмээн Манжаас тусгаарлаж тусгаар улсаа байгуулсан Богд хаант Монгол Улсын төрийн далбаа бүтээх тухай баримт бичигт өгүүлсэн байна.
              
                               Богд хаант Монгол Улсын Төрийн далбаа

Өдгөө шинэчлэн найруулсан Монгол Улсын Үндсэн хуулийн 12,2-т “Төрийн сүлд, туг, далбаа, дуулал нь Монголын ард түмний уламжлал, хүсэл тэмүүлэл, эв нэгдэл, шударга ёс, цог хийморийг илэрхийлнэ” гэсэн нь бий.
            
                                    1924 онд баталсан БНМАУ-ын Төрийн далбаа

2008 оны УИХ-ын шийдвэрээр жил бүрийн долдугаар сарын 10-ны өдрийг Төрийн далбааны өдөр болгон тэмдэглэж байх болсон байна. Энэ өдрийг Монгол төрийн бэлгэ тэмдгийн нэг далбаандаа хүндэтгэлтэй хандах, түүхт ёс уламжлалаа нандигнан өвлөх, үндэсний эв нэгдлийг бэхжүүлэх” өдөр болгон жил бүр тэмдэглэдэг уламжлалтай.

                                Социалист БНМАУ-ын төрийн далбаа

Өнөөгийн Монгол Улсын Төрийн далбаа нь 1992 оны хоёрдугаар сарын 12-нд баталсан Үндсэн хуулиар баталсан, 1949 оны Төрийн далбаанаас социалист од, таван хошууг хассанаараа л өөр юм.

       1992 оны Үндсэн хуулиар баталсан Монгол Улсын Төрийн далбаа