Хөвсгөл аймгийн Жаргалант, Тосонцэнгэл, Рашаант, Цагааннуур, Бүрэнтогтох, Мөрөн сумын тав, долдугаар багуудын нийт 7 тойрогт ИТХ-ын нөхөн сонгууль энэ сарын 03-ны өдөр болов.
2012 оны орон нутгийн сонгуулиар бие
даагч нэр дэвшигчдийг бүртгээгүйн улмаас тэд гурван шатны шүүхэд гомдол
гаргаж, шүүхээс үндэслэл бүхий байна гэж үзэн сонгуулийг дахин явуулах
шийдвэрийг гаргасан байна.
Энэ удаагийн нөхөн сонгуулиар МАН-аас нэр
дэвшсэн Д.Эрдэнэбаатар, С.Эрдэнэтуяа, Д.Өнөрболд, Б.Мөнхсайхан,
Ц.Баттогтох нарын 5 хүн, Цагааннуур суманд бие дааж нэр дэвшсэн
Н.Тогтохдэмбэрэл, Бүрэнтогтох суманд бие дааж нэр дэвшсэн Б.Эрдэнэбаатар
нар ялалт байгуулжээ.
Ингэснээр
Хөвсгөл аймгийн ИТХ-ын 41 суудлын 24-т нь МАН-ын төлөөлөгчид ялалт
байгуулжээ. Үлдсэн суудлын 15 нь АН-ын, 2 нь бие даагчид аж.
