Уриалгад, Өнөөгийн байдлаар валютын ханшийн өсөлт, инфляцийн түвшин манай улсын нийгэм эдийн засагт тэр дундаа ард иргэдийн амьдралд сөргөөр нөлөөлөх нь улам бүр нэмэгдсээр эдийн засгийн хүндрэл, амьжиргааны түвшний хямралд орлоо. Энэхүү хямралын үед УИХ-ын  нэгдсэн чуулган завсарлаад байж хэрхэвч таарахгүй юм. Хэдийгээр хуулийн дагуух хугацаанд завсарлаад байгаа ч 2014 оны эхний хагас жилийн статистикийн үзүүлэлт зэрэгцүүлсэн үнээр ДНБ-ийн өсөлт 5,3 хувьтай гарсан нь Улсын Их хурал, Засгийн газар ирэх саруудад онцгой хариуцлагатай ажиллах цаг үе ирсэн гэдгийг харуулж байна.

Та биднийг Намрын ээлжит чуулганы хугацааг хүлээлгүй ажилдаа орж шаардлагатай хууль тогтоомжийг шуурхай хэлэлцэж, улс төр, эдийн засгийн оновчтой шийдвэр гаргахыг ард иргэд хүлээж байна. Иймд валютын ханшийн удирдлагыг хангах, эдийн засгийн хүндрэл, хямралаас сэргийлэх талаар УИХ-ын ээлжит бус чуулганыг яаралтай зарлан хуралдуулах нь зүйтэй хэмээн үзэж, уриалж байна. Сонгогч иргэд УИХ хуралдаж эдийн засгийн байдлыг сайжруулах шийдэл гаргана гэдэгт итгэж хүлээсээр байна" гэжээ.