Хэлэлцээрээр хоёр улсын харилцааны асуудал, ялангуяа эдийн засгийн талаар хамтран ажиллах, томоохон төсөл хөтөлбөрийг хамтран хэрэгжүүлэх талаар ярьж байна. Энд:
-Төмөр замын багц асуудал. Монгол Улсын Засгийн газраас “Шинэ төмөр зам” төсөл хэрэгжүүлж байгаатай холбоотойгоор дамжин өнгөрөх транзит тээврийн асуудлыг хөндөн ярилцана. Мөн  хоёр улсын хувь нийлүүлсэн “УБТЗ”-ын  1949 онд байгуулсан нууц гэрээг шинэчлэх асуудлыг хэлэлцэж, “УБТЗ”-ыг хос төмөр замтай болгох, дамжин өнгөрөх хүчин чадлыг нэмэгдүүлэх, цахилгаанжуулах талаар ярилцах юм.  Түүнчлэн Хятадаас Европ руу, Оросоос Хятад руу гарах бүтээгдэхүүнийг Монголоор дамжуулах талаарх асуудал ч хөндөгдөх аж.
- Хөдөө аж ахуйн бараа бүтээгдэхүүний экспортыг нэмэгдүүлэх багц асуудал багтаж байна. Монголоос Орос руу экспортолж байгаа мах, махан бүтээгдэхүүний хэмжээг нэмэгдүүлэх саналыг Монголын зүгээс тавихаар болжээ.
-ОХУ руу гаргаж байгаа барааг квотгүй болгох багц асуудлыг ярилцах юм байна. Мөн хоёр улсын төв банк хооронд  рубль, төгрөгийн  своп хэлэлцээр хийх талаар хэлэлцэх аж.
-Хоёр улсын хооронд визгүй зорчих асуудал
-Хил дамнасан тусгай хамгаалалттай газар байгуулах тухай хэлэлцээр
-Монгол Улсад цэрэг-техникийн буцалтгүй тусламж үзүүлэх протокол
-ОХУ-ын төрийн өмчит "Роснефть” компани болон Монголын БШУЯ-тай “Роснефть”-ийн түнш их, дээд сургуулиудад монгол иргэдийг сургах талаарх гэрээ
-"Оросын төмөр зам" болон Зам, тээврийн яам Улаанбаатар төмөр замын шинэчлэл, хөгжлийн түншлэлийн гэрээ
-Хоёр улсын дунд 30 хоногийни хугацаатай харилцан визгүй зорчих гэрээ
-"Аэрофлот" болон МИАТ компанийнхан харилцан ойлголцлын санамж бичиг
-"Орос улс өнөөдөр" агентлагтай Монголын Үндэсний Олон Нийтийн радио хамтран ажиллах зэрэг санамж бичгүүд зэрэг нийт 13 гэрээ хэлэлцээр, браимт бичигт  гарын үсэг зурах юм байна.