Иракийн Батлан хамгаалах яам Орост захиалаад байсан “Шөнийн ангууч” Ми-28НЭ нисдэг тэргүүд хүлээн авсан тухайгаа мэдэгдлээ. Нисдэг тэргүүдийг задалсан байдлаар Иракт авчирсан бөгөөд орос мэргэжилтнүүд бүрэн угсрах юм байна. Ми-28НЭ нисдэг тэргийг “Лалын улс” бүлэглэлийн алан хядагчдад цохилт өгөх, бүслэгдсэн газруудад хүмүүнлэгийн тусламж үзүүлэх зорилгоор ашиглана. Ирак 2012 онд 4,2 тэрбум ам.долларын зэвсэг, техник худалдан авах гэрээг Оростой байгуулсан юм. Энэ гэрээгээр 36 ширхэг Ми-28НЭ нисдэг тэрэг, агаараас эсэргүүцэн хамгаалах пуужин ба их бууны “Панцирь-С1” цогцолбор 42, “Мста” их буу, галаар шүршигч ТОС-1А “Үд дундын нар” систем дөрвийг захиалсан байна.