Ногоон намын гишүүд өчигдөр Монголын хүүхдийн ордонд болж байгаа “Дисковер Монголиа” чуулганыг эсэргүүцэж жагслаа. Уул уурхайн баялаг зөвхөн Монголын ард түмний мэдэлд байх ёстой. Төр Үндсэн хуулиар олгосон энэ эрхийг зөрчиж уул уурхайн лицензийг бусдад зарж, компаниуд ашигт малтмал олборлоод талбайнхаа 80 орчим хувьд нь биологийн нөхөн сэргээлт хийгээгүй гэж шүүмжилсэн юм. Ногоон намынхан Ирээдүйн сан байгуулж, уул уурхайн баялгийг төвлөрүүлж, түүнээсээ иргэдэд хүртээж байх ёстой гэж үзэж байгаа аж. Тус санд уул уурхайгаас олсон орлогын 10 хувийг төвлөрүүлж, захиран зарцуулах эрхийг ард түмэнд өгөх хэрэгтэй гэлээ.