ОХУ-ын Амурын Благовещенскийн районд усанд живж байсан ээж, 2 настай  охин хоёрыг аварсан 10 настай жаал хүүг “Эр зоригийн төлөө” медалиар шагнасан байна.

“Бид гэр бүлээрээ усан сангийн эрэг дээр амарч байлаа. Бидний ойролцоо нэгэн эмэгтэй баяцхан охиныхоо хамт хийлдэг гудсан дээр суугаад хөвж, эргээс жаахан холдож байхыг би харсан. Тэгтэл гудас нь хөмөрч ээж охин хоёр усанд унасан. Гудас нь ч тэр хөвөөд тэр хоёроос холдсон. Эмэгтэй гараараа самарч тусламж дуудан хашгирахаар нь би тийшээ сэлж очин охиныг нь авч эрэг рүү гаргаж хүмүүст өгөөд бараг л сэлж чаддаггүй бололтой эмэгтэй рүү эргэж очин эрэг рүү гарахад нь тусалсан” гэж 10 настай Вадим Диких ярьсан байна.

Энэ бүхнийгээ хэн хүний хийх ёстой зүйлийг л хийсэн мэт ярьж байгаа  10 настай эрэлхэг хүүгийн шагналыг Оросын аврагчдын холбооны гүйцэтгэл захирал, ОХУ-ын гавьяат аврагч Сергей Щетинин гардуулж жаал хүүд зөөврийн компьютер, гал сөнөөгч машины загвар дурсгажээ.