“Нүүрс” хөтөлбөрийг хэрэгжүүлэх явцдаа 3.6 тэрбум төгрөгийг хувьдаа завшсан байж болзошгүй гэсэн  сэжиглэлээр АТГ-т шалгуулж Төв аймгийн хориход 2 сараар саатуулагдаад байгаа Ерөнхий сайдын ахлах зөвлөх Л.Гансүхийн цагдан хорих хугацаа энэ сарын 29-нд дуусна. Түүнийг үргэлжлүүлэн хорих эсэхийг магадлах шүүх хурал өнөөдөр Дүүргийн эрүүгийн хэргийн I шүүхэд болно.
  Энэ шүүх хурлын үеэр түүний ар гэр төрөл төрөгсөд эсэргүүцлийн жагсаал цуглаан байгуулна гэсэн  мэдээлэл ч байна. Л.Гансүхийн өмгөөлөгч Ц.Баасандорж өөрийн үйчлүүлэгчээ гэм буруугүй гээд АТГ-аас түүнийг цагдан хорьж, шалгахгүйгээр гадуур байцаах боломжтой хэмээн  тайлбарлаж байсан.   Өнөөдрийн шүүх хуралдаанаар түүнийг цагдан  хорих хугацааг сунгах шийдвэр гаргавал Л.Гансүх өлсгөлөн зарлана гэдгээ өмгөөлөгчөөрөө дамжуулан мэдэгдсэн гэдэг мэдээлэл байна.