Хууль тогтоох дээд байгууллага УИХ бүрэн эрхийнхээ хугацааныхаа гурав дахь намрын чуулганыг өнөөдөр эхэлнэ. Энэ удаагийн чуулганаар хэлэцэхээр төлөвлөсөн 26 асуудлаас Монгол Улсын Ерөнхий сайдын оруулах Засгийн газрын бүтцийн тухай, Засгийн газрын гишүүнийг огцруулах тухай асуудал, мөн Улс төрийн намуудын тухай хуульд оруулах өөрчлөлт, 2015 оны төсвийн тухай хуулийн төсөл, .“Төрөөс мөнгөний бодлогын талаар 2015 онд баримтлах үндсэн чиглэл батлах тухай” Улсын Их Хурлын тогтоолын төсөл зэрэг асуудал анхаарал татаж байна.
УИХ-ын энэ удаагийн намрын чуулганаар дараах асуудлуудыг хэлэлцэж шийдвэрлэнэ.  
1.“Олон улсын худалдаа, хөрөнгө оруулалтын асуудлаар ил тод байдлыг хангах тухай Монгол Улс, Америкийн Нэгдсэн Улс хоорондын хэлэлцээр”- ийг соёрхон батлах тухай хуулийн төсөл;
2.“Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай” Улсын Их Хурлын тогтоолын төсөл;
З.Засгийн газрын гишүүнийг огцруулах тухай асуудал;
4.“Авто замын тээврийн салбарт төрөөс баримтлах бодлого батлах тухай” Улсын Их Хурлын тогтоолын төсөл;
5.Галын аюулгүй байдлын тухай хуулийн төсөл;
6.Монгол Улсын 2015 оны төсвийн тухай хуулийн төсөл;
7.Хүний хөгжил сангийн 2015 оны төсвийн тухай хуулийн төсөл;
8.Нийгмийн даатгалын сангийн 2015 оны төсвийн тухай хуулийн төсөл;
9.“Төрөөс мөнгөний бодлогын талаар 2015 онд баримтлах үндсэн чиглэл батлах тухай” Улсын Их Хурлын тогтоолын төсөл;
10.Худалдааны тухай хуулийн төсөл;
11.Татварын хууль тогтоомжид нэмэлт, өөрчлөлт оруулах тухай хуулийн болон шинэчилсэн найруулгын төсөл;
12.Хөдлөх эд хөрөнгө болон эдийн бус хөрөнгийн барьцааны тухай хуулийн төсөл;
13.Хуулийн этгээдийн улсын бүртгэлийн тухай хуулийн төсөл;
14.Гэмт хэргийн тухай хуулийн төсөл;
15.Зөрчлийн тухай хуулийн төсөл;
16.Гэр бүлийн хүчирхийлэлтэй тэмцэх тухай хуулийн төсөл;
17.Монгол хэлний тухай хуулийн төсөл;
18.“Төрөөс боловсролын талаар баримтлах бодлогыг шинэчлэн батлах тухай” Улсын Их Хурлын тогтоолын төсөл;
19.Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийг дагаж мөрдөх журмын тухай хуульд нэмэлт, өөрчлөлт оруулах тухай хуулийн төсөл;
20.Хяналтын тухай хуулийн төсөл;
21.Монгол Улсын сонгуулийн нэгдсэн хуулийн төсөл;
22.Улс төрийн намын тухай, Улс төрийн намын санхүүжилтийн тухай хуулийн төсөл;
23.“Монгол Улсын хөгжлийн урт хугацааны бодлогын баримт бичгийг батлах тухай” Улсын Их Хурлын тогтоолын төсөл;
24.Ашигт малтмалын тухай хуульд нэмэлт, өөрчлөлт оруулах тухай хуулийн төсөл;
25.Улсын Их Хурлын чуулганы хуралдааны хэлэлцүүлгийн шатанд байгаа хууль, Улсын Их Хурлын бусад шийдвэрийн төслүүд;
26/бусад.