Улаанбаатар хотын захирагч, Нийслэлийн Засаг дарга Э.Бат-Үүл  ОХУ-ын нийслэл Москва хотын мэр Сергей Собянинтай хэлэлцээр хийхдээ ингэж тохирчээ.
Москва хотын дарга Сергей Собянин Москва-Улаанбаатар хоёр хотын хоорондох нөхөрсөг харилцаа хагас зууны  түүхтэйг дурдаад хөршийн харилцаагаа идэвхжүүлэх сонирхолтой байгаагаа илэрхийлсэн байна.
Уулзалтын үеэр хоёр талын хөршийн харилцааг хөгжүүлэх төлөвийн тухай хэлэлцсэн байна. Москва хотын захиргаа, Улаанбаатар хотын захирагчийн хооронд 2015-2017 онд хамтран ажиллах  хөтөлбөрт гарын үсэг зурах бэлтгэлийг хангахаар тогтжээ. 

Хамтын ажиллагааны хүрээнд хамгийн гол нь худалдаа эдийн засгийн харилцааг хөгжүүлэх асуудал орж байна. Сергей Собянин монголын хөдөө аж ахуйн үйлдвэрлэгчдэд  хандаж бүтээгдхүүнээ оросын нийслэлийн зах зээлд нийлүүлэхийг санал болгожээ. Энд юун түрүү мал аж ахуйн бүтээгдхүүнийг онцолсон байна. Энэ ажлын хүрээнд москвагийн сүлжээ компаниуд, монголын хөдөө аж ахуйн бүтээгдхүүн үйлдвэрлэгчдийн хооронд гэрээ хэлцэл байгуулах юм байна. Сергей Собянин, Э.Бат-Үүл нарын шийдвэрээр хоёр нийслэлийн хамтын ажиллагаа нь харилцан туршлага солилцох, хот байгуулалтын хамтарсан төсөл хэрэгжүүлэх, орон сууц, эрүүл мэнд, боловсрол, соёл болон бусад салбарт хамтарч ажиллах явдал гэнэ.

Монголын нийслэлийн Засаг дарга Э.Бат-Үүл хариуд нь халуун дотно хүлээн авсанд талархаад Сергей Собяниныг Улаанбаатарт зочлохыг урьжээ хэмээн "Вечерняя Москва" мэдээллээ.