Өнгөрсөн наймдугаар сард ОХУ-ын Алтайн бүгд найрамдах улсын Кош-Агашт болсон олон улсын Яармагийн үеэр нутгийн нэгэн эмэгтэй монгол бүсгүйгээс их хэмжээний бараа худалдан авахдаа дурсгалын зориулалттай хэвлэсэн 5000-тын дэвсгэртээр тооцоо хийчихжээ. Тэрээр монгол бүсгүйд 50160 рублийн төлбөр хийхэд монгол эмэгтэй хариултад нь жинхэнэ рубль өгсөн гэж тус улсын ДЯЯ-ны хэвлэлийн алба мэдээлсэн байна. “Гадаадын иргэний итгэмтгий байдлыг ашиглан хуурамч мөнгө өгч Монгол иргэний 50160 рублиэр үнэлэгдэх их хэмжээний бараа, мөнгийг залилан мэхэлж авсан” гэж ДЯЯ-ны хэвлэлийн мэдээнд дурджээ.  Орос эмэгтэйд “залилан мэхлэх замаар бусдад их хэмээний эд материалын хохирол учруулсан” гэсэн зүйл ангиар эрүүгийн хэрэг үүсгэн шалгаж дуусчээ хэмээн РИА Новости агентлаг мэдээллээ.