Нийслэлийн Засаг дарга бөгөөд Улаанбаатар хотын захирагч, Нийслэлийн АН-ын дарга Э.Бат-Үүл өнөөдөр олон нийтэд мэдэгдэл хийлээ. Тэрээр АН дарга Н.Алтанхуягийн МАХН-ын даргатай хамтран ажиллах гэрээ байгуулсныг АН-ын гишүүд, дэмжигчид цочирдон хүлээн авч байгаагаа илэрхийлэн нийслэлийн ардчилсан намын мэдэгдлийг хэвлэлийнхэнд танилцуулсан юм.

Энэ мэдээлэл намжаагүй байхад МоАХ-ны Өвөрхангай аймгийн салбар зөвлөлөөс Ардчилсан намын дарга Н.Алтанхуягийн үзгэлсэн гэрээний эсрэг байгаагаа дурдаж мэдэгдэл гаргасан нь сошиал ертөнцөөр тарж эхэллээ.

Төд удалгүй Өвөрхангай аймгийн Ардчилсан нам мэдэгдэл гаргалаа. Уг мэдэгдэлд "Өвөрхангай аймгийн АН-ын Зөвлөлдөх зөвлөлийн 2014 оны 10 дугаар сарын 20-ны өдрийн хуралдаанаар дараах мэдэгдлийг гаргаж байна.

2014 оны 10 дугаар сарын 18-ны өдрийн Ардчилсан нам, МАХН-ын хамтын ажиллагааны гэрээний хоёр дахь заалт "Ардчилсан нам болон МАХН нь 2016 оны УИХ-ын сонгуулийн өмнө нэг эвсэл болж сонгуульд оролцох эсэхээ тухайн уеийн улс төрийн нөхцөл байдлыг харгалзан шийдвэрлэнэ" 3 дахь зааль "Сонгуульд нэг эвсэл болж оролцоогүй тохиолдолд УИХ-ын сонгуулийн мажоритар тойрогт хоёр намын нэр дэвшигчид нэг нэгнийхээ саналыг хуваахгүй байх зарчимд нийцүүлэн хоёр намын сонгуулийн бүхий л үйл ажиллагааг хооронд нь уялдуулан зохицуулах зарчмыг баримтална" гэсэн заалтууд нь АН-ын үндсэн дүрмийн 6,4,9,4, "Төрийн сонгуульд эвсэл байгуулж оролцох эсэхийг хэлэлцэж шийдвэр гаргах" 6.4.9.5. "Ардчилсан намаас бусад улс төрийн намтай байгуулсан хамтын ажиллагааны гэрээг батлах" гэсэн заалт нь ҮЗХ-ны бүрэн эрхэд хамаарах асуудлыг үндэсний зөвлөлдөх хорооны шийдвэргүйгээр болон анхан, дунд шатны намын байгууллагын саналыг тусгалгүйгээр энэхүү гэрээ байгуулсныг эсэргүүцэж байгааг үүгээр мэдэгдэж байна." гэжээ.