11 сарын 4-ний  Мягмар гарагийн Соёл, спорт, аялал жуулчлалын яамны 302 тоот өрөөнд ССАЖ-ын сайд Ц.Оюунгэрэл сэтгүүлчдэд мэдээлэл хийнэ.


11.00-11.20 цагт Өндөр настан С.Батаа гуайг хүлээн авч уулзах

Баянхонгор аймгийн Баянговь сумын Бүгийн цав дахь эртний үлэг гүрвэлийн яс олдсон тухай ШУА-д мэдээлсэн ахмад ажилтан С.Батааг хүлээн авч олдворын тухай дэлгэрэнгүй мэдээллийг өгөх юм. Чингэлтэй дүүргийн 4 дүгээр хорооны иргэн өндөр настан С.Батаа нь  аймгийн төвөөс 300 гаруй км газарт мотоциклээр газарчлан явж, эртний үлэг гүрвэлийн олдвор байгаа газрыг зааж өгсөн юм.

Уг олдворт газарт олон удаагийн судалгаа шинжилгээний ажил хийгдэж, Монголын анхны бие даасан хээрийн анги томоохон малтлагыг хийж, Монголд төдийгүй дэлхийд гайхагдах ховор сонин олдворуудыг олж, тэдгээр нь дэлхийн шинжлэх ухаанд эртний шим судлалын танин мэдэхүйн үйлст бодитой хувь нэмэр болсон юм.

Сүүлийн үед палеонтлогийн олдворт газрыг дурын хүн очиж сүйтгэн, олдворыг нь ухаж авах, газар дээр нь эвдэж хэмхэрдэг болсон энэ үед Соёлын өвийг хадгалж хамгаалахад иргэдийн оролцоо чухал гэдгийг батлан харуулсан юм.

11:20-11:40 хооронд Хараагүйчүүдийн үндэсний төвд Ярьдаг номын сан
бэлэглэх ёслолын ажиллагаа

 “EDIT center ТББ” , “ Монголын хараагүйчуудын үндэсний холбоо” Монгол улсад анх удаа  хараагүй иргэдэд зориулж  “Ярьдаг Online Daisy номын сан”- г байгууллаа.   Ярьдаг Online Daisy номын сан байгуулагдсанаар хараагүй иргэдэд  хүссэн мэдээлэлээ  цаг хугацаа, орон зай үл хамааран,  түргэн шуурхай олж  авах өргөн боломжийг нээж байгаа юм . Энэхүү номын сангийн  үйл ажилгааг  2014 оны  11 сарын  4-ний өдрийн  11 цаг  30 минутад  Соёл спорт аялал жуулчлалын яамны 302 тоот өрөөнд  дэлгэрэнгүй мэдээллийг танилцуулах  болно.