Сүүлийн өдрүүдэд улс төрд үсээд байгаа нөхцөл байдалтай холбогдуулаад Монголын Ардчилсан холбооны Удирдах зөвлөл хуралдаан зарлажээ. УИХ-аас Монгол Улсын Ерөнхий сайд Н.Алтанхуягийг огцруулах шийдвэр гаргасан,  Засгийн газрын тэргүүнийг огцруулах асуудлаар УИХ-ын хуралдааны үеэр ерөнхий сайдыг огцруулахаар санал өгсөн нэр бүхий найман гишүүнийг АН-ын Хяналтын хорооны хурлаар АН-аас хасах шийдвэр гаргасан, өнөөдөр үдээс хойш АН-ын ҮЗХ хуралдах гэж байгаа зэрэг нь монголын хамгийн анхны улстөр, олон нийтийн байгууллага, АН-ын цөм болдог энэ байгууллагыг ийн яаралтай хуралдуулахад хүргэсэн бололтой.