АН-ын даргын бүрэн эрх дууссан, Н.Алтанхуяг бол хууль бус дарга хэмээн АН-ын нэг биш гишүүн хэлж байсан билээ. АН-ын ҮЗХ-ны ээлжит бус хурал эхлэх гэж дуншиж байх энэ үед АН-ын даргын бүрэн эрх нь дууссан гэдгийг хурлын индэр суусан нийслэлийн АН-ын дарга Э.Бат-Үүл Н.Алтанхуягт ахин сануулав. Намын дүрэм ёсоор АН-ын ҮЗХ-ны хурлын тэргүүлэгчдийн эхлээд сонгох ёстой боловч АН-ын дарга Н.Алтанхуяг, генсек Ц.Оюундарь нар хурал даргалах эрхтэй хэмээн маргаж байгаа бололтой. Энэ маргаан дуусаагүй учраас хурлаа эхэлж чадахгүй АН-ын дарга Н.Алтанхуягийн яриаг эхлээд ҮЗХ-ны гишүүд эхлээд сонсч суугаа гэнэ. АН-ын ҮЗХ-ныхон хэвлэл мэдээллийнхнээс нуух олон юмтай учраас энэ удаад хурлын танхим руу камертай сэтгүүлч байтугай гадны ялаа оруулахыг хүсэхгүй байгаа бололтой.