Таван шарын хуучин орон сууцыг дахин төлөвлөж, хос 16 давхар 240 айлын орон сууцыг ашиглалтад орууллаа
Монголбанкны Тэргүүн дэд Ерөнхийлөгчийг томилох тухай УИХ-ын тогтоолыг танилцууллаа
Алтай дамнасан тогтвортой байдлын яриа хэлэлцээ эхэллээ
ЗГ: Наадмаар бөхийн барилдааны 1,2-ын давааг Төв цэнгэлдэхэд очиж үзэхэд үнэ төлбөргүй
Олон нийтийн радио, телевизийн Үндэсний зөвлөлийн гишүүнээр Д.Гүн-Үйлс, Д.Мягмарсүрэн, С.Од-Эрдэнэ, М.Төрманлай нарыг томиллоо
Өнөөдөр цахилгаан хязгаарлах байршлууд
Цэмбэгэр Улаанбаатар” давлагаанд 300 гаруй залуус нэгдэж, хотоо цэвэрлэж байна
Нийслэлийн томоохон төсөл, бүтээн байгуулалтад нэн тэргүүнд үндэсний үйлдвэрлэгч, хувийн хэвшлээ дэмжиж ажиллана
ЦАГ АГААР: Улаанбаатарт өдөртөө 24 хэм дулаан
Эрчим хүчний хэмнэлтийг дэмжих “Ногоон өрх” хэрэглээний зээлийг нэвтрүүллээ
Японы монгол судлаачид эрдэм шинжилгээний хурлаа хийжээ
Япон Улсын Окаяма хотын Окаяма Их сургуульд “Японы Монгол судлалын нийгэмлэг”- ийн 2014 оны Намрын ээлжит эрдэм шинжилгээний хурал 11 дүгээр сарын 15-16-нд боллоо. 1970 онд байгуулагдсан “Японы Монгол судлалын нийгэмлэг” Монголын нийгмийн тогтолцоо, улс төр, эдийн засгийн нөхцөл байдлаас үл шалтгаалан Монгол судлалыг тууштай хөгжүүлсээр иржээ. Жилд хоёр удаа хавар, намар Японы баруун бүс нутаг дахь Их дээд сургуулиудыг түшиглэн Монгол судлалын эрдэм шинжилгээний хурлыг тогтмол зохион байгуулдаг уламжлалтай. Намрын чуулга хуралдаан нь хоёр хоног үргэлжилж, Японы Монгол судлалын нийгэмлэгийн хүндэт гишүүд, эрдэмтэд багш, энэ чиглэлээр судалгааны ажил эрхэлж буй 50 гаруй залуу судлаачид оролцож, 11 үндсэн сэдвээр илтгэл хэлэлцүүлсэн байна. 2013 оноос хойш Монголч эрдэмтэдийн энэхүү хуралд Япон дахь Монголын Элчин сайдын яам, Осака хот дахь Ерөнхий Консулын газрын төлөөлөгчид тасралтгүй оролцож, монгол судлаачидтай санал бодлоо хуваалцаж, мэдээлэл солилцдог.
Энэхүү эрдэм шинжилгээний хуралд Монгол Улсаас Япон Улсад суугаа Онц бөгөөд Бүрэн эрхт Элчин сайд С.Хүрэлбаатар, Осака хотноо суугаа Ерөнхий Консул Ч.Куланда нар оролцсон байна. Элчин сайд С.Хүрэлбаатар Монгол Японы харилцааны талаар дэлгэрэнгүй мэдээлэл хийж, Япон дахь монгол судлалын бодлогод тусгах тодорхой саналууд дэвшүүлжээ. Япон Улсад Монгол судлал хөгжүүлэх, монголыг сурталчлан таниулахад Монгол судлалын нийгэмлэг, монголч эрдэмтэд, судлаачид чухал хувь нэмэр оруулж ирснийг тэмдэглэж, 2012 онд Монгол Улсын Ерөнхийлөгчийн зарлигаар Монгол судлалыг дэмжих сан байгуулагдсаныг онцолж шинээр нээгдсэн боломжийг бүрэн дүүрэн ашиглах талаар хамтран ажиллахыг уриалав.
Мөн Монгол Улсаас Осака хотноо суугаа Ерөнхий консул Ч.Куланда “Дэлхийн Монгол судлалын төлөв байдал”-ын талаар танилцуулга хийж, хэлэлцүүлгийн ач холбогдлыг дүгнэж, Японы Монгол судлаачид, эрдэмтэн багш нарт хандан Монгол Улсын төрийн бодлого цаашдын хамтын ажиллагааны чиглэлийг дуулгалаа.
2012 оны нэгдүгээр сарын 17-нд Монгол Улсын Ерөнхийлөгч зарлиг гаргаж Монгол судлалыг дэмжих сан байгуулахыг Засгийн газарт чиглэл болгож, мөн оны хоёрдугаар сарын 20-ны өдрийн 56-р тогтоолоор “Монгол судлалыг хөгжүүлэх Үндэсний хөтөлбөр”-ийг баталж, үйл ажиллагааг эхлүүлээд байгаа юм.
Япон Улсын Окаяма хотын Окаяма Их сургуульд “Японы Монгол судлалын нийгэмлэг”- ийн 2014 оны Намрын ээлжит эрдэм шинжилгээний хурал 11 дүгээр сарын 15-16-нд боллоо. 1970 онд байгуулагдсан “Японы Монгол судлалын нийгэмлэг” Монголын нийгмийн тогтолцоо, улс төр, эдийн засгийн нөхцөл байдлаас үл шалтгаалан Монгол судлалыг тууштай хөгжүүлсээр иржээ. Жилд хоёр удаа хавар, намар Японы баруун бүс нутаг дахь Их дээд сургуулиудыг түшиглэн Монгол судлалын эрдэм шинжилгээний хурлыг тогтмол зохион байгуулдаг уламжлалтай. Намрын чуулга хуралдаан нь хоёр хоног үргэлжилж, Японы Монгол судлалын нийгэмлэгийн хүндэт гишүүд, эрдэмтэд багш, энэ чиглэлээр судалгааны ажил эрхэлж буй 50 гаруй залуу судлаачид оролцож, 11 үндсэн сэдвээр илтгэл хэлэлцүүлсэн байна. 2013 оноос хойш Монголч эрдэмтэдийн энэхүү хуралд Япон дахь Монголын Элчин сайдын яам, Осака хот дахь Ерөнхий Консулын газрын төлөөлөгчид тасралтгүй оролцож, монгол судлаачидтай санал бодлоо хуваалцаж, мэдээлэл солилцдог.
Энэхүү эрдэм шинжилгээний хуралд Монгол Улсаас Япон Улсад суугаа Онц бөгөөд Бүрэн эрхт Элчин сайд С.Хүрэлбаатар, Осака хотноо суугаа Ерөнхий Консул Ч.Куланда нар оролцсон байна. Элчин сайд С.Хүрэлбаатар Монгол Японы харилцааны талаар дэлгэрэнгүй мэдээлэл хийж, Япон дахь монгол судлалын бодлогод тусгах тодорхой саналууд дэвшүүлжээ. Япон Улсад Монгол судлал хөгжүүлэх, монголыг сурталчлан таниулахад Монгол судлалын нийгэмлэг, монголч эрдэмтэд, судлаачид чухал хувь нэмэр оруулж ирснийг тэмдэглэж, 2012 онд Монгол Улсын Ерөнхийлөгчийн зарлигаар Монгол судлалыг дэмжих сан байгуулагдсаныг онцолж шинээр нээгдсэн боломжийг бүрэн дүүрэн ашиглах талаар хамтран ажиллахыг уриалав.
Мөн Монгол Улсаас Осака хотноо суугаа Ерөнхий консул Ч.Куланда “Дэлхийн Монгол судлалын төлөв байдал”-ын талаар танилцуулга хийж, хэлэлцүүлгийн ач холбогдлыг дүгнэж, Японы Монгол судлаачид, эрдэмтэн багш нарт хандан Монгол Улсын төрийн бодлого цаашдын хамтын ажиллагааны чиглэлийг дуулгалаа.
2012 оны нэгдүгээр сарын 17-нд Монгол Улсын Ерөнхийлөгч зарлиг гаргаж Монгол судлалыг дэмжих сан байгуулахыг Засгийн газарт чиглэл болгож, мөн оны хоёрдугаар сарын 20-ны өдрийн 56-р тогтоолоор “Монгол судлалыг хөгжүүлэх Үндэсний хөтөлбөр”-ийг баталж, үйл ажиллагааг эхлүүлээд байгаа юм.
0 Сэтгэгдэл
