Сүүлийн үед АН-ын фракцууд хөдөлгөөнд орж эхэлсэн. Намынхаа удирдах байгууллага Үндэсний зөвлөлдөх хороонд сэлгээ хийж, ротаци явуулаагүй гэж шүүмжилдэг АН-ынхан нэгийг бодсон бололтой. Фракцууд тодорхой хэмжээгээр сэлгээ хийх боллоо. З.Энхболд АН-ын дарга болоод аль нэг фракцийг төлөөлөхгүйгээ хэлсэн. Тэгж хэлээд удалгүй өөрийн байгуулсан “Шонхор” фракцаас гарч, Ардчилсан хүчний холбооны тэргүүнээс чөлөөлөгдсөн. Ингээд “Шонхор” фракцийг УИХ-ын гишүүн Д.Ганхуяг, Ардчилсан хүчний холбоог УИХ-ын гишүүн С.Эрдэнэ тэргүүлэхээр болсон. Өчигдөр гэхэд МҮДН фракцийг УИХ-ын гишүүн Б.Гарамгайбаатар удирдахаар болж, УИХ-ын гишүүн Ц.Баярсайхан халаагаа өглөө. МоАХ фракц ч гэсэн дэд даргаар ажиллаж байсан УИХ-ын гишүүн Ш.Түвдэндоржийг чөлөөлж, УИХ-ын гишүүн Л.Эрдэнэчимэгийг томилсон. Ингээд “Алтангадас” фракцаас бусад нь удирдлагын түвшиндээ өөрчлөлт оруулж, сэлгээ хийчихлээ.