Төсвийн байнгын хорооны хуралдаанаар  Дэлхийн банкны Олон улсын хөгжлийн ассоциацийн хөнгөлөлттэй зээлүүд болон бусад асуудлыг хэлэлцэнэ. Байгаль орчин, хүнс, хөдөө аж ахуйн байнгын хорооны хуралдаан 9 цагаас эхэлж,  “Төрөөс ойн талаар баримтлах бодлого батлах тухай” УИХ-ын тогтоолын төслийн хэлэлцэх эсэх, Зөвшөөрлийн тухай, Зөвшөөрлийн жагсаалт батлах тухай болон холбогдох бусад хуулийн төслүүдээрх санал, дүгнэлтээ Эдийн засгийн байнгын хороонд хүргүүлнэ. Хууль зүйн байнгын хорооны хуралдаан 13.00 цагаас “Г” танхимд хуралдах ба Улсын тэмдэгтийн хураамжийн тухай хуульд нэмэлт оруулах тухай, Хүний эрхийн Үндэсний Комиссын тухай хуульд нэмэлт, өөрчлөлт оруулах тухай, Галт зэвсгийн тухай шинэчилсэн найруулга, Согтуурч, мансуурч донтох эмгэгтэй хүнийг албадан эмчлэх тухай болон холбогдох бусад хуулийн төслүүдийн шат шатны хэлэлцүүлгийг хийнэ.