Монгол Улсын Ерөнхий сайд Ж.Эрдэнэбат энэ сарын 12-15-ны өдрүүдэд Японд албан ёсны айлчлалаар явах болсон тул  долоо хоног бүрийн лхагва гаригт хуралддаг Засгийн газрын ээлжит хуралдааны хуваарийг зөрчин  өнөөдөр үдээс хойш 15.00 цагт хуралдуулахаар зарласан байна.

Энэ хуралдаанаар  Замын хөдөлгөөний аюулгүй байдлын тухай хуульд өөрчлөлт оруулах тухай хуулийн төслийг Хууль зүй, дотоод хэргийн сайд С.Бямбацогт,  Боловсролын салбарт 2017 онд концессоор хэрэгжүүлэх төсөл, хөтөлбөрийн жагсаалт батлах тухай асуудлыг Сангийн сайд Б.Чойжилсүрэн нар хэлэлцүүлэхээр оруулсныг эс тооцвол Монгол Улсын Ерөнхийлөгчийн айлчлалын дүнгийн тухай, Канад Улсын парламентын Нийтийн танхимын даргын айлчлалын дүнгийн тухай, Евразийн эдийн засгийн комисс хоорондын хамтын ажлын хэсгийн хуралдааны тухай,  Монгол Улсын Шадар сайдын гадаад томилолтын талаар,  Монгол Улсын Ерөнхийлөгчийн НҮБ-ын Ерөнхий ассамблейн чуулганд оролцсон дүнгийн талаар, Байгаль орчин, аялал жуулчлалын сайдын гадаад томилолтын дүнгийн талаар зэрэг аар саархан асуудлыг л хэлэлцээд ёстой л Засгийн газар хуралдсан гэсэн нэр хэмээхээр шийдсэн  юм байна.