Төрийн албаны зөвлөл Засгийн газрын захиалгын дагуу зарим агентлагийн дарга нарыг сонгох шалгаруулалтыг явуулсан. Нийтдээ 15 ажлын байранд 35 хүн бүртгүүлж, 23 нь эцсийн шатанд үлдэж төрийн жинхэнэ албаны удирдах ажилтны нөөцийн жагсаалтад бүртгэгдсэн байна.
Сонгон шалгаруулалтад:
Гадаадын иргэн харьяатын газрын даргад Д.Мөрөн
Татварын ерөнхий газрын даргад Л.Зориг
Оюуны өмч, улсын бүртгэлийн ерөнхий газрын даргад Р.Содхүү
Төрийн өмчийн бодлого зохицуулалтын газрын даргад Ц.Ням-Осор
Хөдөлмөр, халамжийн үйлчилгээний ерөнхий газрын даргад Б.Нямдаваа
Гэр бүл, хүүхэд залуучуудын хөгжлийн газрын даргад О.Алтансүх
Харилцаа холбоо, мэдээллийн технологийн газрын даргад Б.Чинбат
Биеийн тамир, спортын газрын даргад Ц.Шаравжамц
Иргэний нийсэхийн ерөнхий газрын даргад Л.Бямбасүрэн нар тэнцсэнийг Засгийн газарт саналаа уламжлахаар болжээ.  

Мөн хэд хэдэн аймгийн Засаг даргын тамгын газрын даргын сонгон шалгаруулалт зарлсанаас Ховд аймгийн ЗДТГ-ын даргаар Б.Ганболд, Говь-Алтай аймгийн ЗДТГ-ын даргаар Ч.Бат-Эрдэнэ нарыг томилуулахаар тус тус саналаа Засгийн газарт хүргүүлсэн байна. Зарим эх сурвалж дуучин Ч.Бат-Эрдэнэ шалгаруулалтад тэнцсэн гэв.

Нийслэлд мөн хэд хэдэн сонгон шалгаруулалтын дүн гарсныг санал хүргүүлжээ. Улаабаатар хотын Ерөнхий менежер бөгөөд Захирагчийн ажлын албаны даргаар Т.Гантөмөрийг, Нийслэлийн ЗДТГ-ын даргаар М.Отгонбаярыг, Нийслэлийн ИТХ-ын Тэргүүлэгчдийн нарийн бичгийн даргаар М.Бундэлгэрийг нэр дэвшүүлэн Нийслэлийн Засаг дарга болон НИТХ-ын дарга нарт хүргүүлэхээр болсон байна.