Гадаад улс орнуудад ажиллаж амьдарч байгаа  иргэд  ЭСЯ, консулын байранд байгуулсан сонгуулийн салбар комиссын санал авах байранд саналаа өгч улсынхаа Ерөнхийлөгчийг сонгож эхэллээ.

Санал хураах ажил өнөөдөр маргааш тухайн улсын орон нутгийн цагаар 07.00-22.00 цаг хүртэл үргэлжилнэ.

Гадаад улсад байгаа иргэдийн санал авах ажлыг зохион байгуулах Төв комисс салбар комиссын бүрэлдэхүүнтэй онлайн хурал хийж бэлтгэл ажлын явц, байдлын талаар мэдээлэл сонссон. Энэ үеэр гадаад улсад байгаа иргэдээс санал авах хуудас хуульд заасан хугацаанд бүрэн хүрсэн, санал авах байр бэлэн, сонгуулийн бэлтгэлийг бүрэн хангасан гэж  мэдээлсэн юм.

Энэ удаагийн сонгуулиар манай улсын  дипломат төлөөлөгчийн газар байрладаг 33 улсад Ерөнхийлөгчийн сонгууль зохион байгуулах 45 салбар комисс ажиллаж байна. Гадаад улс оронд ажиллаж амьдарч байгаа  нийт 7209 иргэн сонгуульд оролцож саналаа өгөхөөр бүртгүүлээд байгаа юм