Монгол Улсын шадар сайд Ухнаагийн Хүрэлсүх наймдугаар сарын 17-нд огцрох өргөдлөө өгчээ. Энэ түшмэл авлигад идэгдэж, улс орондоо хор хохирол учруулж байгаа Засгийн газартаа цаашид итгэхгүй гэдгээ мэдэгдсэн байна.

Хүрэлсүх  бас Ерөнхий сайд Ж.Эрдэнэбатыгаа төрийн албан тушаалуудыг 60 тэрбум төгрөгөөр “худалдах” гэж байсан гэж буруутгаж байна. Үүний өмнө МАН-ын удирдлагууд ярианы дуу бичлэг хэвлэлээр тарсан юм. Тэд төрийн албан тушаалуудыг 60 тэрбум төгрөгөөр худалдах тухайгаа ярьж байгаа нь энэ бичлэгт байгаа юм.

Шадар сайд У.Хүрэлсүхийн энэ алхам МАН-ын бага хурал дээр гишүүдийн нь дунд гарсан маргааны үргэлжлэл болж байна. Тэгэхэд Хүрэлсүх аль дөрөвдүгээр сараас хойш өөрийг нь намын нөхөд нь дагаж мөрдөж байгаа гэж мэдэгдсэн юм. Тэр бас ерөнхий сайд Эрдэнэбат, УИХ-ын дарга М.Энхболд нарыг сайн дураараа албан тушаалаасаа огцрохыг уриалжээ.
“Хэрвээ намайг алчихдаггүй л юм бол би энэ намын төлөө эцсээ хүртэл тэмцэнэ” гэж тэр мэдэгджээ.

Эрх баригч намын өөр зуурын тэмцэл Засгийн газарт ноцтой асуудал үүсээд байгаатай холбоотой. МАН-ын доторхи нууц тоглоом, зөрчил  хэдийнээ ил гарч зөрчил мөргөлдөөн нь олонд задраад  байгаа нь энэ.

Өнөөдөр Ерөнхийлөгчийн суудалд туршлагагүй, улс төрийн тавцанд залуухан Баттулга гарч ирсэн, хөрш орнуудтайгаа харилцах харилцаанд асуудал үүссэн, байгаль цаг уурын нөхцөл нь Хөдөө аж ахуйд нь хүн цохилт болж  байгаа гээд эрх баригч намд маш хүнд үе тохиож байгаа юм хэмээн оросын newsbabr.com  сайтад бичжээ.