АТГ-ын Хяналт шалгалт дүн шинжилгээний  хэлтсээс нийтийн албанд томилогдохоор нэр дэвшсэн 1221 этгээдээс мэдүүлэг авч, 821 хүнийхийг хянаж шийдвэрлэсэн байна. Цагдаагийн Ерөнхий газар,Оюуны өмчийн газар, Оюуны өмч, Улсын бүртгэлийн газраас дийлэнх нь ирсэн гэдгийг АТГ онцлов. Илт зөрчилтэй хоёр хүнийг томилох боломжгүй гэжээ. Тухайлбал, нийслэлийн Хот төлөвлөлтийн газрын архитекторын ажлын албанд томилогдохоор ирүүлсэн хүний мэдүүлэг ажлын байрны үндсэн шаардлагыг хангахгүй, мөн зураг төслийн компанийг 100 хувь эзэмшигч захирлаар бүртгэлтэй байгаа нь ашиг сонирхлын зөрчилтэй гэж үзэж хуулийн дагуу ажиллахыг Нийслэлийн хоты төлөвлөлтийн газарт албан даалгавраар мэдэгдсэн аж.

Мөн Завханы УБЕГ-т мэргэжилтнээр ажиллахаар ирүүлсэн Д-гийн материалтай танилцахад хувьд тус аймгийн ИТХ-ын төлөөлөгчөөр ажилладаг нь хуулийн хувьд  тухайн ажлын байранд томилж болохгүй гэдгийг УБЕГ-т мэдэгджээ.
Үүнээс гадна АТГ-ын явцын шалгалтанд ХОМ-ээ зөрчилтэй мэдүүлсэн УУХҮЯ-ны хуулийн хэлтсийн дарга зэргийн 7 хүн, ОӨУБЕГ-ын Хяналт, үнэлэлт шинжилгээний хэлтсийн дотоод аудитын дарга зэрэг 5 албан тушаалтан өөрийн болон гэр бүлийн орлогод орсон их хэмжээний өөрчлөлтийг мэдүүлээгүй байсныг тогтоож хариуцлага тооцохыг холбогдох албан тушаалтанд албан даалгавараар мэдэгдсэн байна.

Нийслэлийн Нийтлэг үйлчилгээний газрын дарга нарын хүнийг АТГ-аас шалгаж байгаа гэх мэдээллийг тодруулахад тус газрын Мөрдөн шалгах хэлтсээс 2013-2017 оны хооронд өөрсдийн компаниар дамжуулан их хэмжээний мөнгө завшсан гэж үзэж НҮГ-ын удирдлага, санхүүгийн хэлтсийнхнийг прокурорын зөвшөөрөлтэй шалгаж байгаа гэв.
Мөн Хөгжлийн банкнаас санхүүжсэн төсөл хөтөлбөрүүдтэй холбогдуулан Эрчим хүчний сайд асан Сономпилыг шалгаж байгаа аж. Одоогоор 50 гаруй төсөл хөтөлбөр дээр шалгалт хийж, 4-5 нь гэмт хэргийн шинжтэй гэж үзжээ.