Эрчим хүчний хэмнэлтийг дэмжих “Ногоон өрх” хэрэглээний зээлийг нэвтрүүллээ
Баянхонгор аймгийн Шаргалжуут чиглэлд хот хоорондын зорчигч тээвэр үйлчилнэ
Сэлбэ гол дагуух авто замыг долоодугаар сарын 10-ны дотор ашиглалтад хүлээн авахаар төлөвлөж байна
Нийслэлийн хэмжээнд тоглоомын талбайн орчны аюулгүй байдал, стандартын хэрэгжилтийн үзлэг, шалгалтыг тогтмол зохион байгуулж байна
Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуульд нэмэлт, өөрчлөлт оруулах тухай хуулийн төсөл өргөн мэдүүлэв
Улаанбаатарт хүн амын нягтаршил, уур амьсгалын өөрчлөлтийн нөлөөгөөр гамшгийн эрсдэл нэмэгдэж байна
Монгол Улсад ирсэн гадаадын жуулчдын тоо 418732 хүрчээ
Нийтийн эзэмшлийн гудамж, талбайг усалж чийгшүүлэх ажлыг эрчимжүүлэхийг үүрэг болголоо
Энэ жилийн наадмаар Төв цэнгэлдэх хүрээлэнд хоол үйлдвэрлэлийн чиглэлээр 118 цэг гаргана
Оюуны өмчийн газрын киоск төхөөрөмжид “Хурдан” үйлчилгээ нэвтэрлээ
ОХУ-ын Ерөнхийлөгч В.Путины мэндчилгээг дамжууллаа
“Монгол-Оросын санаачилга-2018” эдийн засгийн чуулга уулзалтад оролцохоор ирсэн ОХУ-ын Аж үйлдвэр, худалдааны сайд Денис Валентинович Мантуров, ОХУ-ын Ерөнхийлөгч В.В.Путины бие төлөөлөгч Игорь Евгеньевич Левитин нарын албаны хүмүүс өнөөдөр Монгол Улсын Ерөнхийлөгч Х.Баттулгад бараалхлаа.
Энэ үеэр ОХУ-ын Аж үйлдвэр, худалдааны сайд Денис Валентинович Мантуров Монгол Улсын Ерөнхийлөгч Х.Баттулгатай дахин уулзаж байгаадаа баяртай байгаагаа илэрхийлээд ОХУ-ын Ерөнхийлөгч В.В.Путины мэндчилгээг дамжуулсан юм. Мөн “Монгол-Оросын санаачилга” цуврал арга хэмжээ нь өргөжин тэлж, Монгол-Оросын бүх шатны харилцаанд эергээр нөлөөлж байгаад Монгол Улсын Ерөнхийлөгч Х.Баттулгын хичээл зүтгэл их байгаад талархаж буйгаа илэрхийллээ. Энэхүү цуврал арга хэмжээний хүрээнд ОХУ-аас ирэх албаны зочид болоод бизнес эрхлэгч, соёл, урлагийнхны тоо нэмэгдэж байгаа нь арга хэмжээ өндөр ач холбогдолтой байгааг хэлж, цаашид тодорхой төсөл хөтөлбөрүүдээр хамтарч ажиллахад таатай байх болно гэдгийг дурдсан юм.
Монгол Улсын Ерөнхийлөгч Х.Баттулга ОХУ-ын Ерөнхийлөгч В.В.Путинтэй өнгөрсөн оны есдүгээр сард Владивосток хотноо уулзах үеэрээ тохиролцсоны дагуу “Монгол-Оросын санаачилга-2018” арга хэмжээг зохион байгуулж байгааг дурдаад энэ нь худалдаа, эдийн засгийн хамтын ажиллагаанд эергээр нөлөөлөхийг хэлэв. Тухайлбал, ОХУ-аас арга хэмжээний хүрээнд 60 гаруй компани ирж Монголын компаниудтай харилцаа тогтоож, хамтран ажиллахаас гадна, хамгийн сүүлд 1976 онд Монгол Улсад ирж тоглолтоо толилуулж байсан И.Моисеевын нэрэмжит академик чуулгынхан ирж байгаа нь хоёр орны худалдаа, эдийн засаг, соёлын харилцаа өргөжин тэлж байгааг харуулж байгаа гэлээ.
Мөн ОХУ-ын Аж үйлдвэр, худалдааны сайд Денис Валентинович Мантуровын дурдсанчлан ОХУ-Монгол-БНХАУ-ыг дайрах эдийн засгийн коридор байгуулах асуудлыг дэмжиж, төслийг ажил хэрэг болгохыг дэмжиж буйгаа илэрхийлэв.
0 Сэтгэгдэл
