Соёл, спорт, аялал жуулчлал, залуучуудын яам, Аж үйлдвэр, эрдэс баялгийн яам, Монголын уул уурхайн үндэсний ассоциаци, “Эрдэнэс Монгол” нэгдэл, “Эрдэнэс Үйлдвэрлэл Технологийн Парк” ХХК хамтран “Уул уурхайн салбарын залуучуудын чуулган”-ыг 2025 оны 10 дугаар сарын 10-ны өдөр Монгол Улсын Үндэсний номын санд зохион байгууллаа.
Чуулганыг нээж Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв үг хэлэв. Тэрээр хэлэхдээ, “...Уул уурхайн салбар бол Монгол Улсын эдийн засгийн хөдөлгүүр бөгөөд энэ салбарт ажиллаж буй залуучуудын мэдлэг, санаачилга, оролцоо нь тогтвортой хөгжлийн баталгаа юм. Энэхүү чуулганаар салбарын залуучуудад тулгамдаж буй асуудлуудыг тодорхойлж, зөв орчин нөхцөлийг бий болгох олон сайхан санал санаачилга, гарц шийдэл гарна гэж найдаж байна.” гэлээ.
Уул уурхайн салбарт ажиллаж буй залуучуудын тулгамдсан асуудлыг тодорхойлж, тэдгээрийг шийдвэрлэх арга замыг хамтдаа эрэлхийлэх, салбарын залуусын оролцоог нэмэгдүүлэх, бодлого боловсруулах үйл явцад тэдний саналыг тусгах зорилготой тус чуулганд 120 гаруй залуу инженер, техникч, мэргэжилтнүүд оролцсон ба хамтын оролцоонд суурилсан хөгжлийн шинэ хандлагыг эхлүүлсэн үйл явдал боллоо.
“Уул уурхайн салбарын залуучуудын чуулган”-аас гарсан саналуудыг нэгтгэн “ЗАЛУУЧУУДЫН ХӨГЖЛИЙН ТӨЛӨӨХ ТҮНШЛЭЛ: САЛБАР ДУНДЫН УЯЛДАА” үндэсний чуулганаар хэлэлцэнэ.
