Хятадад нэр нөлөөтэй бизнесмэнүүдийг сүрдүүлэн мөнгө авдаг байсан хэрэгт найман сэтгүүлчийг сэжиглэж баривчилсан байна. Хятаддаа төрийн бус ,хамгийн нэр хүндтэй ажил хэргийн чиглэлээр бичдэг “Twenty-First Century Business Herald” сонины сэтгүүлчид ийнхүү баривчлагджээ. Хятадын цагдаа нарын мэдэгдсэнээр тус сонины сэтгүүлчид Шанхай ба Шэньжэнд байрладаг хоёр пи-ар агентлагтай хуйвалдан компанийнх нь тухай эерэг, магтсан нийтлэл гаргана гэж их хэмжээний мөнгө авдаг байжээ. Мөнгө төлөөгүй тохиолдолд сониноороо муулсан, сөрөг мэдээлэл гаргаж пи-ар агентлагууд нь тухайн компанийн рейтингийг зохиомлоор унагасан тайлан гаргадаг байсан аж.