Дэлхийн эрүүл мэндийн байгууллагаас гаргасан илтгэлд дэлхийн хэмжээнд жилдээ 800 мянга гаруй хүн амиа егүүтгэдэг гэсэн тоо гаргажээ. Статистик судалгаанаас үзвэл 15-аас 29 хүртэлх насны залуучуудын дунд амиа егүүтгэх нь нас баралтын хамгийн түгээмэл шалтгааны нэг болсон гэдгийг судлаачид онцолжээ. Гэхдээ амиа егүүтгэх хандлага 70 ба түүнээс дээш насныхны дотор хамгийн өндөр байдаг аж. Мөн судалгаагаар эрэгтэйчүүдийн дундах амиа егүүтгэл нь эмэгтэйчүүдийнхээс гурав дахин олон байдаг, нийт амиа егүүтгэгсдийн 75 хувь нь ядуу, хөгжиж яваа орнуудад ноогдож байгааг тогтоосон байна.
ДЭМБ-ын мэргэжилтнүүд хэвлэл мэдээллийн хэрэгслүүдээр амиа егүүтгэхтэй холбоотой асуудлыг түгээж байгаа байдалд онцгой анхаарал хандуулж. Учир нь, сонины борлуулалт, сайтын хандалтыг нэмэхийн тулд энэ таагүй үзэгдлийг зохисгүй байдлаар харуулж, түгээвэл дуурайж амиа егүүтгэх давалгаа үүсгэдэг сөрөг нөлөө ажиглагддаг.